29/10/2013

இன்றுதான் ஞாபகம் வந்தது

நாம் பேசிக்கொள்ளாத நாட்கள்

நாம் பார்க்காத நாட்கள்

நாம் கைக்கோர்க்காத நாட்கள்

இன்றும்

உன்னுடைய புகைப்படத்தைப் பார்க்கிறேன்

அதிலிருக்கும்

உன் சிரிப்பைப் பார்க்கிறேன்

உன் கண்களைப் பார்க்கிறேன்

உன் நினைவுகளைப் பார்க்கிறேன்

இன்றுதான் ஞாபகம் வந்தது

இதையெல்லாம் உன்னிடம் சொல்ல

*****

அவள் பெயரைக் கேட்டேன்

’ம்’ என்றாள்

அவள் முகவரியைக் கேட்டேன்

’ம்’ என்றாள்

கடைசிவரை ’ம்’ மைத் தவிர

வேறெதுவும் சொல்லவில்லை

’ம்’

என்னை பலவீனம் கொள்ள செய்தது

இருந்தும்

‘ம்’

எனக்கு பிடித்துப்போனது.

அரானா அழகுச்செல்வன்