அரானாவின் மூன்று நெடுங்கவிதைகள்

முத்தமிடுவதற்கான

காரணத்தை

சொல்லிவிட்டு போ

கோபப்படுவதற்கான

காரணத்தை

சொல்லிவிட்டு போ

சில முத்தங்கள்

சில கோபங்கள்

பிரியங்களாக

நங்கை

மங்கை

பெண்

ஒருத்தி

நாணங்கள்

வெட்கங்கள்

உன்னிடம்

தேடுகிறேன்

சிலிர்க்காத உடல்கள்

சிரிக்காத உதடுகள்

முகமூடிகளாக

அடம்பிடித்து

அடம்பிடித்து

அடங்கிப் போகிறேன்

ஒன்றோடு

ஒன்று

இரண்டாகிறது

வார்த்தைகள் இல்லை

வாள்கள் இல்லை

போர் நடக்கும்

வெளிச்சங்கள் மிருதுவான அளவு

சத்தங்கள் மிச்சமிருக்கும் அளவு

ஏன்

எதற்கு

எப்படி

கேள்விகள்

மௌனங்களாக

வருடும் காற்று

வருடும் இசை

வருடும் விரல்கள்

ரேகைகள் மறையக்கூடும்

தருணம் பார்த்து

காலம் பார்த்து

நடக்கிறது

கொஞ்சல்கள்

சிணுங்கல்கள்

உதிர்ந்த பூக்கள்

உதிர்ந்த துளிகள்

தேகம் மறுக்கும் நேரம்

நேரம் தெரியாத நேரம்

அறையெங்கும்

கண்கள் பார்ப்பதாய்

காதுகள் கேட்பதாய்

உணர்ந்தோம்

முத்தம் கொடுக்க கற்றேன்

கரங்கள் ஊறக் கற்றேன்

கற்றல் சுகமானது

*

மூடியிருக்கும் கதவுகள்

திறப்பதற்கு சாவியில்லை

என்னைப் போன்றவர்களுக்கு

அனுமதியில்லை

தட்டினாலும்

கேட்காதக் கதவுகள்

கேட்காத அறைகள்

முகவரி தொலைத்தவர்கள்

முகவரி தெரிந்தவர்கள்

சூரியன்

நிலா

நட்சத்திரங்களுடன்

நாட்கள்

பொழுதுகள்

சுவடு

இல்லாத

நடைபாதை

நிழல்

இல்லாத

நிலம்

மழைக் காலம்

வெயில் காலம்

தோழர்கள்

தொடக்கப் புள்ளி

நிறங்களாக

இடைப் புள்ளி

கலகமாக

முற்றுப் புள்ளி

குறிகளாக.

*

கண்கள்

கனவுகளைத்

தேடுகிறது

புது உலகம்

புது மனிதர்கள்

புது மொழி

பூதங்களுடன் நட்பு

காதலியை மீட்பு

சாகசங்களும்

மர்மங்களும்

தொடர்கதைகளாக

மறந்து போன கனவுகள்

நினைவிருக்கும் கனவுகள்

தொடர்பில்லா கம்பிகள்

உண்மை

பொய்

பிம்பங்களாக

விழிகளுக்கிடையே

வார்த்தைகளில்லை

காட்சிகளில்லை

கற்பனைகளில்லை

சரி

தவறு

பேதமில்லை

இரவுலகம்

தனிமையானது

யாருமில்லா

சந்திப்பு

நேயரில்லா

நேர்காணல்

பக்கங்களில்லா

புத்தகங்கள்

பார்வையாளர்களில்லாத

நடனங்கள்

நாடகங்கள்

எந்நேரமும்

எந்நாளும்

எங்கேயும்

கனவில்லாத

இரவுகளைக்

காண

ஆவலோடுயிருக்கிறேன்.